சுரம், காய்ச்சல் தீர:
  1. சீரகமும், குறுந்தோட்டி வேரும் சம அளவாக பொடி செய்து தேனுடன் 1 ஸ்பூன் தர குளிர்சுரம் நீங்கும்.
  2. அவுரி வேர் பட்டையை , மிளகுடன் குன்றியளவு சுண்ணாம்பு சேர்த்து வெந்நீரில் கரைத்து கொடுக்க விடாசுரம் தீரும்.
  3. ஆடாதோடை இலை, திப்பிலி, சுக்கு, சிற்றரத்தை, ஓமம், யானை திப்பிலி, கண்டங்கத்திரி இவை சமம் சேர்த்த குடிநீர் - 50 மில்லி வீதம், தேன் கலந்து கொடுக்க கபசுரம், இருமல்(இரைப்பு) மாறும்.
  4. Dengue(டெங்கி என்று உச்சரிக்க வேண்டும்) காய்ச்சல் தணிய நிலவேம்பு கஷாயத்தை அடிக்கடி குடிக்க வேண்டும். நிலவேம்பு, வேப்பம்பட்டை மற்றும் 30-க்கும் மேலான மூலிகைகள் கலந்த மஹா சுதர்சன மாத்திரை அனைத்து ஆயுர்வேத கடைகளிலும் கிடைக்கும். அதை வாங்கி 2 முதல் 4 வேளை சாப்பிட பல காய்ச்சலும் தணியும். எந்த காய்ச்சளுக்கும் இதை கொடுக்கலாம். மலச்சிக்கல் ஏற்படுமாயின் திரிபலாவை இதனுடன் சேர்த்து சாப்பிடலாம்.

பெரியவர்கள் 2 (அ) 3 மாத்திரை
சிறியவர்கள்: 1 மாத்திரை.
அல்லது வைத்தியரின் ஆலோசனைப்படி.


கற்பூராதித் தைலம் செய்முறை
தேவையானவை:
சுத்தமான ஓமம்- 2 கிலோ
தேவதாரம் - 1 கிலோ
கட்டி கற்பூரம் - 200 கிராம்
தேங்காய் எண்ணெய் - 1 லிட்டர்

ஓமம் மற்றும் தேவதாரத்தை சிதைத்து அல்லது பொடித்து 10 லிட்டர் தண்ணீரை ஊற்றி அடுப்பில் வைத்து 2 லிட்டராக வற்ற வைக்கவும்.பிறகு அந்த கஷாயத்தில் 1 லிட்டர் எண்ணெய் விட்டு காய்ச்சி வடிபாத்திரமாக கற்பூரம் போட்டு பத்திரபடுதவும்.

இப்படி காய்ச்சிய எண்ணெய் வீடியோவில் காண்பித்தப்படி பார்பதற்கு இளம் பச்சையாக இருக்கும்.

வெளிப்பிரயோகம் மட்டுமே.
வாதம்,வீக்கம்,அடிபட்ட மர்மம்,கபம்,சுளுக்கு,கபஜுரம்,ஆமவாதம் கபகெட்டு போன்றவைக்கு உபயோகபடுத்தலாம்.
  • 07:18
  • Ayurveda
பெண்களின் அதிக இரத்தப்போக்கு- துவாலை

மாம்பருப்பினை சேகரித்துத் தூள் செய்து கொண்டு 2 கிராம் முதல் 4 கிராம் வரை தேனில் கலந்து உட்கொண்டு வர அதிக இரத்தபோக்கு கட்டுப்படும்.

நாவல் பட்டையும், மாம் பட்டையும் மிக சிறியதாக நறுக்கி 10 முதல் 25 கிராம் வரை எடுத்து 4 கிளாஸ் தண்ணீர் எடுத்து 1 கிளாசாக வற்ற வைத்து அரித்து இரண்டு வேலையாக 1/2 கிளாஸ் உணவு உண்பதற்கு முன்னர் சாப்பிட  அதிக இரத்தபோக்கு குணமாகும். இப்படி 3 நாட்கள் சாப்பிட வேண்டும்.

பேரீச்சம் பழம் + தேன் கலந்து சாப்பிட அதிக இரத்தபோக்கு கட்டுப்படும்.

செம்பருத்தி பூவின் இதழ்களை சிறிது நெய் விட்டு வதக்கி எலும்பிச்சை அளவு உருட்டி சாப்பிட இரத்தபோக்கு மட்டுப்படும். இப்படி 3 நாட்கள் செய்ய வேண்டும்.(நல்ல அனுபவ முறை)

மாசிக்காயை சூரணம் செய்து 2 கிராம் முதல் 4 கிராம் அளவு தண்ணீரில் கலக்கி குடிக்க மாதவிடாயின் போது வரும் அதிக இரத்தபோக்கு நிற்கும்.

வாழைப் பூவை சாறு எடுத்து சிறிது தயிர் சேர்த்து சாப்பிட பெரும்பாடு குணமாகும்.

அசோக அரிஷ்டம் மற்றும் திராக்ஷாதி அரிஷ்டம் 10 மில்லி வீதம் கலந்து உணவுக்கு பின் சாப்பிட இரத்தபோக்கு குணமாகும். இது அனைத்து ஆயுர்வேத கடைகளிலும் கிடைக்கும்.(நல்ல அனுபவ முறை)
செம்பருத்தி பூவை தவிர மேலே குறிப்பிட்ட மருந்துகள் நாட்டு மருந்து கடைகளில் கிடைக்கும்.
  • 19:31
  • Ayurveda
உயர் இரத்த அழுத்தம் (High Blood pressure)

இஞ்சியை மேல் தோல் சீவி நன்றாக கழுவி சிறிய துண்டுகளாக அரிந்து தேனில் 5,6 நாட்கள் ஊற வைத்து அதிகாலையில் இரண்டு அல்லது மூன்று துண்டுகள் சாப்பிட்டு வர எல்லா வகை பித்தமும், உயர் இரத்த அழுத்தமும் சாந்தமாகும்.

கொத்தமல்லி கீரை, கறிவேப்பிலை போன்றவற்றை உணவில் தினமும் சேர்த்து வந்தால் உயர் இரத்த அழுத்தம் மற்றும் பித்த தலை சுற்று சாந்தமாகும்.

எலும்பிச்சை,வில்வம்,கீழாநெல்லி இலைகளை கொண்டு எண்ணெய் காய்ச்சி தலைக்கு தேய்த்து வந்தால் இரத்த அழுத்தம் மற்றும் பலவகையான பித்தம் குறையும்.

ஏலாதி சூர்ணம் மற்றும் சீராக சூரணம் சாப்பிட்டு வர பித்தம் மற்றும் இரத்த அழுத்தம் குறையும்.(இவற்றின் செய்முறை விரைவில் வெளியாகும்)

சீரகம்,நெல்லித்தோடு,சுக்கு,ஏலம் இவைகளை சுத்தம் செய்து பொடித்து உண்டு வர பல வகையான பித்த நோய்கள் தீரும்.

அவரைக்காயை தினமும் உணவில் சேர்க்க இரத்தகொதிப்பு குறையும்.
  • 08:33
  • Ayurveda
இதனால் குடல் புண் , நஞ்சுகள், பசியின்மை, வலிப்பு, வீக்கம், ஜன்னி, பாண்டு, நீரேற்றம், பீனிசம், புலால் நாற்றம், சரும வறட்சி, தலைவலி, கற்றாழை நாற்றம், கட்டிகள், மாறல் சுரம், கண்வலி, கண் சிவப்பு, இருமல், தினவு, நீர்சுருக்கு, தொண்டை சதை வளர்ச்சி இவை தீரும். இதில் பல வகைகள் உண்டு. மருத்துவகுணமும் சிறிது மாறுபடும்.

Popular Posts